ਬਾਇਓ ਡੀਜਲ ਦੀ ਨਜਾਇਜ਼ ਵਿਕਰੀ ਖਿਲਾਫ਼ ਪੰਜਾਬ ਪੈਟਰੋਲੀਅਮ ਡੀਲਰ ਐਸੋਸੀਏਸ਼ਨ ਨੇ ਖੋਲਿਆ ਮੋਰਚਾ

ਬਗੈਰ ਲਾਇਸੈਂਸ ਦੇ ਚੱਲ ਰਿਹਾ ਕਾਲਾ ਕਾਰੋਬਾਰ

ਇਧਨ ਦੀ ਹੋਮ ਡਿਲਵਰੀ ਦੇ ਨਾਮ ’ਤੇ ਹੋ ਰਿਹਾ ਹੈ ਗੌਰਖਧੰਦਾ

ਚੰਡੀਗੜ੍ਹ, ਪੰਜਾਬ ਦੀ ਮਾਰਕੀਟ ਵਿਚ ਬਾਇਓ ਡੀਜਲ ਦੇ ਨਾਮ ’ਤੇ ਮੋਬਾਇਲ ਵੈਨ ਦੇ ਮਾਧੀਅਮ ਰਾਹੀਂ ਨਜਾਇਜ਼ ਰੂਪ ਵਿਚ ਵੇਚੇ ਜਾ ਰਹੇ ਬੇਸ ਆਇਲ ਕੈਮੀਕਲ ਆਇਲ ਇੰਡਟਰੀਅਲ ਗ੍ਰੇਡ ਉਤਪਾਦ ’ਤੇ ਪੰਜਾਬ ਪੈਟਰੋਲੀਅਮ ਡੀਲਰਜ਼ ਐਸੋ. ਨੇ ਸੂਬਾ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਇਸ ਨਾਲ ਨਾ ਕੇਵਲ ਉਨ੍ਹਾਂ ਨੂੰ ਵਿੱਤੀ ਨੁਕਸਾਨ ਭੁਗਤਣਾ ਪੈ ਰਿਹਾ ਹੈ ਬਲਕਿ ਸਰਕਾਰੀ ਖਜਾਨੇ ਨੂੰ ਵੀ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ।

ਸ਼ਨੀਵਾਰ ਨੂੰ ਚੰਡੀਗੜ੍ਹ ਵਿਚ ਆਯੋਜਿਤ ਐਸੋ. ਦੀ ਐਗਜੀਕਿਊਟਿਵ ਮੀਟਿੰਗ ਵਿਚ ਸੂਬੇ ਭਰ ਦੇ ਪੈਟਰੋਲ ਪੰਪ ਮਾਲਕਾਂ ਨੇ ਇਸ ਮੁੱਦੇ ’ਤੇ ਚਰਚਾ ਕਰਦੇ ਹੋਏ ਸਰਕਾਰ ਨੂੰ ਇਸ ਨਾਲ ਨਿਪਟਣ ਲਈ ਸੁਝਾਅ ਦਿੱਤਾ। ਐਸੋ. ਦੇ ਪ੍ਰਧਾਨ ਸੰਦੀਪ ਸਹਿਗਲ ਨੇ ਦੱਸਿਆ ਕਿ ਹਾਲ ਹੀ ਵਿਚ ਸਬੰਧਿਤ ਅਥਾਰਟੀਆਂ ਨੇ ਸੂਬੇ ਅੰਦਰ ਨਜਾਇਜ਼ ਰੂਪ ਵਿਚ ਬਿਨ੍ਹਾਂ ਲਾਇਸੈਂਸ ਵਾਲੇ ਬਾਇਓ ਡੀਜਲ ਵਿਕਰੀ ’ਤੇ ਛਾਪੇਮਾਰੀ ਕੀਤੀ ਹੈ। ਡੀਜਲ ਤੋਂ ਵੀ ਘੱਟ ਕੀਮਤ ਵਿਚ ਉਪਲੱਬਧਤਾ ਦੇ ਚਲਦਿਆਂ ਜ਼ਿਆਦਾਤਰ ਵਾਹਨ ਬਾਇਓ ਡੀਜਲ ਵਿਚ ਸ਼ਿਫਟ ਹੋ ਚੁੱਕੇ ਹਨ।

ਕੁੱਝ ਸਮੇਂ ਤੋਂ ਆਇਲ ਮਾਰਕੀਟਿੰਗ ਕੰਪਨੀਆਂ ਨੇ ਹਾਈ ਸਪੀਡ ਡੀਜ਼ਲ ਦੀ ਵਿਕਰੀ ਵਿਚ ਕਟੌਤੀ ਦਰਜ ਕੀਤੀ ਹੈ। ਸਰਕਾਰ ਦੇ ਭਾਰੀ ਨਿਵੇਸ਼ ਤੋਂ ਬਾਅਦ ਵੀ ਮੋਟਰ ਸਪੀਡ ਅਤੇ ਹਾਈ ਸਪੀਡ ਡੀਜ਼ਲ ਵਾਹਨ ਵੀ ਬੀ. ਐਸ. ਸਿਕਸ ਸ਼ੇ੍ਣੀ ਵਿਚ ਸ਼ਿਫਟ ਕਰ ਗਏ ਹਨ। ਸਰਕਾਰ ਦੀ ਅਣਦੇਖੀ ਦੇ ਚਲਦਿਆਂ ਮਾਰਕੀਟ ਵਿਚ ਡਿਮਾਂਡ ਪੂਰੀ ਕਰਨ ਦੇ ਲਈ ਲੋ ਗ੍ਰੇਡ ਆਇਲ ਬਾਜਾਰ ਵਿਚ ਨਜਾਇਜ਼ ਰੂਪ ਵਿਚ ਵਿਕ ਰਿਹਾ ਹੈ, ਜਿਸ ਨੂੰ ਠੱਲ ਪਾਉਣ ਦੀ ਜਰੂਰਤ ਹੈ, ਨਹੀਂ ਤਾਂ ਸਰਕਾਰੀ ਖਜਾਨੇ ਨੂੰ ਪੈ ਰਿਹਾ ਘਾਟਾ ਲਗਾਤਾਰ ਜਾਰੀ ਰਹੇਗਾ।

ਸਹਿਗਲ ਨੇ ਦੱਸਿਆ ਕਿ ਪਿਛਲੇ ਕੁੱਝ ਸਮੈਂ ਤੋਂ ਇਧਨ ਨੂੰ ਘਰ ਤੱਕ ਪਹੁੰਚਾਉਣ ਦੀ ਸੇਵਾ ਸ਼ੁਰੂ ਕਰ ਦਿੱਤੀ ਗਈ ਸੀ। ਓ. ਐਮ. ਸੀ. ਦੇ ਅਨੁਸਾਰ ਇਹ ਸੇਵਾ ਉਨ੍ਹਾਂ ਭਾਰੀ ਮਸੀਨਾ ਜਾਂ ਗੱਡੀਆਂ ਲਈ ਹੈ ਜੋ ਪੈਟਰੋਲ ਪੰਪ ਤੱਕ ਨਹੀ ਪਹੁੰਚ ਸਕਦੀਆਂ, ਇਸ ਲਈ ਇਹ ਸੇਵਾ ਸ਼ੁਰੂ ਕੀਤੀ ਗਈ ਸੀ।ਪਰ ਦੇਖਿਆ ਜਾ ਰਿਹਾ ਹੈ ਕਿ ਸਰਕਾਰ ਅਤੇ ਓ. ਐਮ. ਸੀ. ਹੁਕਮਾਂ ਦੀਆਂ ਖੁੱਲੇਆਮ ਧੱਜੀਆਂ ਉਡਾਈਆਂ ਜਾ ਰਹੀ ਹਨ ਅਤੇ ਉਨ੍ਹਾਂ ਦੀ ਪਹੁੰਚ ਮੋਟਰੇਬਲ, ਪੈਸੇਂਜਰ ਅਤੇ ਐਗਰੀਕਲਚਰ ਗੱਡੀਆਂ ਤੱਕ ਕੀਤੀ ਜਾ ਰਹੀ ਹੈ , ਜਿਸਦਾ ਸਿੱਧਾ ਨੁਕਸਾਨ ਪੈਟਰੋਲ ਪੰਪ ਮਾਲਕਾਂ ਨੂੰ ਹੋ ਰਿਹਾ ਹੈ।

ਐਸੋਸੀਏਸ਼ਨ ਨੇ ਸਰਕਾਰ ਨੂੰ ਸੁਝਾਅ ਦਿੰਦਿਆਂ ਮੰਗ ਕੀਤੀ ਕਿ ਜੇਕਰ ਗੈਰ ਲਾਇਸੈਂਸੀ ਵਿਅਕਤੀ, ਸੰਸਥਾਨ ਨਜਾਇਜ ਰੂਪ ਨਾਲ ਮੋਬਾਇਲ ਵੈਨ ਤੋਂ ਡੀਜਲ ਦੀ ਖਰੀਦ ਕਰਨਗੇ ਤਾਂ ਉਨ੍ਹਾਂ ਖਿਲਾਫ਼ ਕਾਰਵਾਈ ਕੀਤੀ ਜਾਵੇ।

ਬਾਕਸ ਲਈ

ਪੰਜਾਬ ਵਿਚ ਵੈਟ ਦਰਾਂ ’ਤੇ ਵੀ ਜਤਾਈ ਚਿੰਤਾ

ਐਸੋਸੀਏਸ਼ਨ ਨੇ ਚੰਡੀਗੜ੍ਹ ਦੇ ਮੁਕਾਬਲੇ ਪੰਜਾਬ ਵਿਚ ਵੱਧ ਵੈਟ ਦੀਆਂ ਦਰਾਂ ’ਤੇ ਵੀ ਚਿੰਤਾ ਪ੍ਰਗਟ ਕੀਤੀ ਹੈ। ਐਸੋ. ਦੇ ਮੁੱਖ ਸਕੱਤਰ ਰਾਜੇਸ਼ ਕੁਮਾਰ ਨੇ ਕਿਹਾ ਕਿ ਚੰਡੀਗੜ੍ਹ ਅਤੇ ਹੋਰਨਾਂ ਸੂਬਿਆਂ ਤੋਂ ਇਲਾਵਾ ਪੰਜਾਬ ਦੇ ਲਗਭਗ ਇਕ ਹਜ਼ਾਰ ਪੈਟਰੋਲ ਪੰਪ ਸੇਲ ਦਰਜ ਨਹੀਂ ਹੋਣ ਦੇ ਚਲਦਿਆਂ ਬੰਦ ਹੋਣ ਦੀ ਕਗਾਰ ’ਤੇ ਹਨ। ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਪੰਜਾਬ ਵਿਚ ਰਾਸ਼ਟਰੀ ਫੀਸਦ ਦੀ ਦਰ ਦੇ ਮੁਕਾਬਲੇ ਪੈਟਰੋਲ ਪੰਪਾਂ ਦੀ ਵਿਸਥਾਰ ਕਾਫੀ ਵੱਧ ਹੈ ਇਸ ਲਈ ਨਵੇਂ ਪੰਪਾਂ ਦੀ ਐਨ. ਓ. ਸੀ. ਜਾਰੀ ਕਰਨ ’ਤੇ ਰੋਕ ਲਗਾਈ ਜਾਵੇ। ਐਸੋ. ਨੇ ਇਹ ਵੀ ਮੰਗ ਕੀਤੀ ਕਿ ਸਾਲ 2017 ਤੋਂ ਬਕਾਇਆ ਕਮਿਸ਼ਨ ’ਤੇ ਕੋਈ ਵਾਧਾ ਨਹੀਂ ਕੀਤੀ ਗਿਆ, ਜਿਸਨੂੰ ਓ. ਐਮ. ਸੀ. ਜਲਦ ਵਧਾਵੇ। ਐਸੋਸੀਏਸ਼ਨ ਮੈਂਬਰਾਂ ਦਾ ਤਰਕ ਸੀ ਕਿ ਜੇਕਰ ਉਨ੍ਹਾਂ ਦੇ ਨਿਵੇਸ਼ ਕਈ ਗੁਣਾ ਵੱਧ ਗਏ ਹਨ ਅਤੇ ਡੀਲਰ ਉਸੇ ਕਮੀਸ਼ਨ ’ਤੇ ਗੁਜਾਰਾ ਨਹੀਂ ਕਰ ਸਕਦੇ।