ਮ੍ਰਿਤਕ ਲਖਬੀਰ ਸਿੰਘ ਦੇ ਪਰਿਵਾਰ ਨੇ ਸਾਂਪਲਾ ਨੂੰ ਮਿਲ ਕੇ ਨਿਆਏ ਮੰਗਿਆ

ਮ੍ਰਿਤਕ ਲਖਬੀਰ ਸਿੰਘ ਦੇ ਪਰਿਵਾਰ ਨੂੰ 8.25 ਲੱਖ ਰੁੱਪਏ ਮੁਆਵਜਾ, 3 ਬੇਟਿਆਂ ਦੀ ਮੁਫਤ ਪੜਾਈ ਅਤੇ ਮਾਤਾ ਨੂੰ ਪੈਂਸ਼ਨ ਸੁਨਿਸ਼ਿਚਤ ਕੀਤੀ ਜਾਵੇਗੀ : ਸਾਂਪਲਾ

ਪਰਿਵਾਰ ਦਾ ਸਮਾਜਿਕ ਬਾਈਕਾਟ ਕਰਨ ਵਾਲੀਆਂ ’ਤੇ ਪੀਓ ਐਕਟ ਦੇ ਤਹਿਤ ਕਰਵਾਈ ਜਾਵੇਗੀ ਕਾਨੂੰਨੀ ਕਾਰਵਾਈ

ਚੰਡੀਗੜ੍ਹ, - ਸਯੁੰਕਤ ਕਿਸਾਨ ਮੋਰਚਾ ਦੇ ਧਰਨੇ ਵਾਲੀ ਥਾਂ ’ਤੇ ਜਿਸ ਦਲਿਤ ਸਿੱਖ ਲਖਬੀਰ ਸਿੰਘ ਦੀ ਬੇਰਹਿਮੀ ਨਾਲ ਹੱਤਿਆ ਕੀਤੀ ਗਈ ਸੀ, ਉਸਦੀ ਪੱਤਨੀ, 3 ਬੇਟੀਆਂ, ਭੈਣ, ਸਹੁਰਾ ਅਤੇ ਪੱਤਨੀ ਦਾ ਭਰਾ (ਸਾਲਾ) ਨੇ ਅੱਜ ਨੈਸ਼ਨਲ ਐਸਸੀ ਕਮਿਸ਼ਨ ਦੇ ਚੇਅਰਮੈਨ ਵਿਜੈ ਸਾਂਪਲਾ ਨੂੰ ਦਿੱਲੀ ਸਥਿੱਤ ਹੈਡਕੁਆਰਟ ਵਿਚ ਮਿਲ ਕੇ ਨਿਆਏ ਦੀ ਮੰਗ ਕੀਤੀ।

ਪੀੜਤ ਪਰਿਵਾਰ ਜਿਸ ਵਿਚ ਮ੍ਰਿਤਕ ਦੀ ਪੱਤਨੀ ਜਸਪ੍ਰੀਤ ਕੌਰ, 3 ਬੇਟੀਆਂ ਤਾਨਿਆ, ਸੰਦੀਪ ਕੌਰ, ਕੁਲਦੀਪ ਕੌਰ, ਭੈਣ ਰਾਜ ਕੌਰ, ਸਹੁਰਾ ਬਲਦੇਵ ਸਿੰਘ, ਭਤੀਜੀ ਜਸਪ੍ਰੀਤ ਕੌਰ ਅਤੇ ਪੱਤਨੀ ਦਾ ਭਰਾ ਸੁਖਚੈਨ ਸਿੰਘ ਨੇ ਸਾਂਪਲਾ ਨੂੰ ਸਪੱਸ਼ਟ ਕਿਹਾ ਕਿ ਲਖਬੀਰ ਸਿੰਘ ਦਾ ਕਤਲ ਕੀਤਾ ਗਿਆ ਹੈ ਅਤੇ ਇਸ ਦੀ ਸਜਾ ਤੋਂ ਬੱਚਣ ਲਈ ਦੋਸ਼ੀ ਬੇਅਦਬੀ ਦੇ ਝੁੱਠੇ ਦੋਸ਼ ਲਗਾ ਰਹੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਮਾਰਨ/ਕਤਲ/ਅਤਿਆਚਾਰ ਦੇ ਵੀਡੀਓ ਤਾਂ ਬਹੁਤ ਹਨ, ਪਰ ਬੇਅਦਬੀ ਦੇ ਵੀਡੀਓ/ਸਬੂਤ ਨਹੀਂ ਹਨ। ਪਰਿਵਾਰ ਨੇ ਸਾਂਪਲਾ ਤੋਂ ਮੰਗ ਕੀਤੀ ਕਿ ਦੋਸ਼ੀਆਂ ’ਤੇ ਸਖਤ ਤੋਂ ਸਖਤ ਕਾਨੂੰਨੀ ਕਾਰਵਾਈ ਸੁਨਿਸ਼ਿਚਤ ਕੀਤੀ ਜਾਵੇ।

ਪਰਿਵਾਰ ਨੇ ਸਾਂਪਲਾ ਨੂੰ ਦੱਸਿਆ ਕਿ ਉਨ੍ਹਾਂ ਦੀ ਮਦਦ ਦੇ ਲਈ ਨਾ ਤਾਂ ਕੋਈ ਧਾਰਮਿਕ ਅਤੇ ਸਮਾਜਿਕ ਸੰਸਥਾ ਸਾਹਮਣੇ ਆਈ ਅਤੇ ਨਾ ਹੀ ਪੰਜਾਬ ਸਰਕਾਰ। ਪਰਿਵਾਰ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੂਜੇ ਸੂਬਿਆਂ ਵਿਚ ਜਾ ਕੇ ਕਈ ਲੱਖਾਂ ਰੁੱਪਏ ਦੇ ਸਕਦੀ ਹੈ, ਤਾਂ ਆਪਣੇ ਸੂਬੇ ਦੇ ਇਦ ਦਲਿਤ ਸਿੱਖ ਲਖਬੀਰ ਸਿੰਘ, ਜਿਸ ਦਾ ਬਿਨ੍ਹਾਂ ਕਾਰਨ ਕਤਲ ਕਰ ਦਿੱਤਾ ਗਿਆ, ਉਸਦੇ ਲਈ ਕਿਉਂ ਨਹੀਂ ਕੁੱਝ ਕਰ ਰਹੀ। ਉਨ੍ਹਾਂ ਸਾਂਪਲਾ ਤੋਂ ਆਰਥਿਕ ਮਦਦ ਦੀ ਗੁਹਾਰ ਲਗਾਈ।

ਸਾਂਪਲਾ ਨੇ ਪਰਿਵਾਰ ਨੂੰ ਸਪੱਸ਼ਟ ਕੀਤਾ ਕਿ ਨਾ ਸਿਰਫ਼ ਹੱਤਿਆ ਦੇ ਦੋਸ਼ੀ ਲੋਕਾਂ ਨੂੰ ਸਜਾ ਮਿਲੇਗੀ, ਬਲਕਿ ਜਿਨ੍ਹਾਂ ਲੋਕਾਂ ਵੱਲੋਂ ਉਨ੍ਹਾਂ ਦਾ ਸਮਾਜਿਕ ਬਾਈਕਾਟ ਦਾ ਐਲਾਨ ਕੀਤਾ ਗਿਆ ਅਤੇ ਪਰਿਵਾਰ ਨੂੰ ਧਾਰਮਿਕ ਮਰਿਆਦਾ ਦੇ ਮੁਤਾਬਿਕ ਸੰਸਕਾਰ ਨਹੀਂ ਕਰਨ ਦਿੱਤਾ ਗਿਆ, ਉਨ੍ਹਾਂ ਸਾਰੀਆਂ ’ਤੇ ਪੀਓ ਐਕਟ ਦੇ ਤਹਿਤ ਕਾਰਵਾਈ ਕਰਵਾਈ ਜਾਵੇਗੀ।

ਸਾਂਪਲਾ ਨੇ ਅੱਗੇ ਕਿਹਾ ਕਿ ਅਨੁਸੂਚਿਤ ਜਾਤੀ ਐਕਟ / ਪੀਓ ਐਕਟ ਦੇ ਨਿਯਮਾਂ ਮੁਤਾਬਿਕ ਉਨ੍ਹਾਂ ਨੂੰ 8.25 ਰੁੱਪਏ ਮੁਆਜਵਾ ਦਿਵਾਇਆ ਜਾਵੇਗਾ, ਜਿਸ ਵਿਚ ਸਵਾ ਚਾਰ ਲੱਖ ਐਫਆਈਆਰ ਦਰਜ਼ ਹੋਣ ’ਤੇ ਮਿਲਦਾ ਹੈ। ਸਵਾ ਚਾਰ ਲੱਖ ਰੁੱਪਏ ਹੁਣ ਤੱਕ ਕਿਉਂ ਨਹੀਂ ਮਿਲਿਆ, ਇਸਦੇ ਲਈ ਸਬੰਧਤ ਸਰਕਾਰੀ ਅਧਿਕਾਰੀਆਂ ਨੂੰ ਦਿੱਲੀ ਤਲਬ ਕਰ ਕੀਤਾ ਜਾਵੇਗਾ।

ਸਾਂਪਲਾ ਨੇ ਆਖਿਰ ਵਿਚ ਕਿਹਾ ਕਿ ਪੀਓ ਐਕਟ ਦੇ ਤਹਿਤ ਇਹ ਵੀ ਸੁਨਿਸ਼ਿਚਤ ਕੀਤਾ ਜਾਵੇਗਾ ਕਿ ਲਖਬੀਰ ਸਿੰਘ ਦੀ 3 ਬੇਟੀਆਂ ਦੀ ਸਰਕਾਰੀ ਖਰਚੇ ’ਤੇ ਪੜਾਈ ਹੋਵੇ ਅਤੇ ਇਸ ਦੇ ਨਾਲ ਲਖਬੀਰ ਸਿੰਘ ਦੀ ਮਾਤਾ ਨੂੰ ਪ੍ਰਤੀ ਮਹੀਨਾ ਪੈਂਸ਼ਨ ਮਿਲੇ।